Северина со тим од 45 луѓе во Скопје

Хрватската поп-ѕвезда Северина доаѓа во Скопје на концерт што ќе се одржи на 13 април во арената „Борис Трајковски“ и кој ќе претставува концертна промоција на нејзиниот нов албум „Добродошао у клуб“.

Северина најавува спектакуларно шоу во четири чина, со 28 нови и стари песни, некои од нив во сосема нови аранжмани. Ќе ја следи тим од 45 луѓе, меѓу кои нејзиниот бенд, многу танчари и комплетен тим од стилисти и корегографи. Билетите наскоро ќе бидат дистрибуирани во продажба. Организатор на концертот е ТА „Гуливер милс“.