Почина уште едно лице повредено во пожарот кај Струмица

Тоа е четврта жртва во пожарот кај Струмица, a на Клиниката е хоспитализирано уште едно дете со 40 отсто изгореници кое е во добра здравствена состојба

На Клиниката за хирушки болести „Св. Наум Охридски“ во Скопје, изутрината почина уште едно лице, 54-годишниот Војо Гркланов од стумичкото село Вељуса, кој беше повреден во пожарот кој избувна на 23 јули во местото Чамчифлик кај Струмица.

Тоа е четврта жртва во пожарот кај Струмица. На 28 јули почина 30-годишниот струмичанец Митко Георгиев, а на 24 јули на повредите им подлегнаа браќата, 46-годишниот Пено и 50-годишниот Блажо Стојкови, вработени во „Македонски шуми“.

На Клиниката е хоспитализирано уште едно дете со 40 отсто изгореници од втор и трет степен кое е во добра здравствена состојба.

За огнената стихија кај Струмица е осомничена 24-годишната Струмичанка Е.М., која запалила стари алишта под еден жбун, при што предизвикала пожар од поголеми размери.