Се урна дел од Кинескиот ѕид

Поројни дождови и градежни активности на плоштад во кинескиот град Жангјакоу во провинцијата Хебеј се причина за уривање на дел од Големиот кинески ѕид, објави весникот „Дејли телеграф“.

Во тек е истрага за причините за уривањето на дел од историскиот објект. Кинескиот ѕид е дел од списокот на светското историско наследство на УНЕСКО. Повеќе од 50 војни се водени во реонот на градот, каде се урна дел од ѕидот. Овој дел од ѕидот е оштетен од големиот број војни и бил реставриран во 1484 година од династијата Минг.

Голем број делови од Кинески ѕид не се изградени од тули и камења, туку од кал, што го прави подложен на ерозија, наведува весникот.