Загина параглајдерист од Виница

Oколу 8 часот утринава во Кочанската болница во безживотна состојба е донесено лице на возраст од 41 година. Според првичните податоци се работи за параглајдерист од Виница, кој утринава се обидел да изведе лет при што му се случила несреќа. Лицето од голема височина паднало на земја и се здобило со тешки телесни повреди, од кои починало на местото.

Сето ова се случувало на локација во близина на виничкото село Крушево. Имало очевидец кој го забележал падот на параглајдеристот.

Според податоци од Кочанската полиција, се работи за Сашко Антов од Виница.

- Изутринава на приемното хируршко одделение е донесено безживотното тело на Антов, кое по констатираната смрт е предадено на семејството, изјави Дејан Апостолов, директорот на Општа болница - Кочани.