Трошоците за живот пониски за 0,9 отсто

Трошоците за животот, мерени преку цените на стоките и на услугите за лична потрошувачка, во јули годинава се намалени за 0,9 отсто во однос на јуни годинава, а бележат пораст за 2,3 проценти во споредба со јули лани.

Според Државниот завод за статистика, анализирано по главни групи, во јули во однос на јуни 2012 година, намалување е забележано во групите транспорт за 2,5 отсто, храна и безалкохолни пијалаци за 1,8, домување, вода, електрика, гас и други горива за 0,2 и алкохолни пијалаци, тутун за 0,1 процент.

Пораст на трошоците е забележан во групите здравје за 0,6 отсто, рекреација и култура за 0,2, мебел, покуќнина и одржување на покуќнина и останати стоки и услуги за 0,1 процент.

На ниво од претходниот месец останале цените во групите облека и обувки, комуникации, образование и ресторани и хотели.