Олимпискиот шампион го совлада светскиот првак во четвртфиналето

Бразил во четвртфиналето по голема борба ja совлада Русија и се пласира во полуфиналето на женскиот одбојкарски турнир

Олимпискиот шампион Бразил во четвртфиналето по голема борба го совлада светскиот првак Русија и се пласира во полуфиналето на женскиот одбојкарски турнир. Бразилките славеа победа со 3:2 во сетови, добивајќи го последниот сет 21:19 користејќи ја првата меч топка, додека Русинките претходно не искористија шест меч топки.

Нивни противник во полуфиналето ќе им биде Јапонија која истотака во меч што траеше повеќе од два часа со 3:2 ја победи Кина.

На другите два четвртфинални дуели: САД – Доминиканска Република 3:0 и Италија – Јужна Кореја 1:3.

Во второто полуфинале ќе играат САД и Јужна Кореја.