Хрватска и Србија на првите места во групите

Репрезентациите на Хрватска и на Србија ги освоија првите две места во двете групи од првата фаза од ватерполо турнирот за мажи

Репрезентациите на Хрватска и на Србија ги освоија првите две места во двете групи од првата фаза од ватерполо турнирот за мажи. На натпреварите од 5.коло, кое беше комплетирано синоќа беа постигнати следниве резултати: Казахстан – Хрватска 4:12, Грција – Австралија 8:13, Шпанија – Италија 7:10 (А група), Романија – Србија 4:12, Унгарија – САД 11:6 и Велика Британија – Црна Гора 4:13 (Б група).

Табела А група: Хрватска 10 бодови, Италија 7, Шпанија 6, Австралија 4, Грција 3, Казахстан 0.

Табела Б група: Србија 9, Црна Гора 7, Унгарија 6, САД 6, Романија 2, Велика Британија 0.

Во четвртфиналето ќе играат: Хрватска – САД, Италија – Унгарија, Србија – Австралија и Црна Гора – Шпанија.