Динамо Киев и БАТЕ Борисов се пласираа за баражите од Лигата на шампионите

Екипите на Динамо Киев и на БАТЕ Борисов постигнаа победи на гости во реванш натпреварите од 3.коло од квалификациите и со тоа изборија пласман за баражите

Екипите на Динамо Киев и на БАТЕ Борисов постигнаа победи на гости во реванш натпреварите од 3.коло од квалификациите и со тоа изборија пласман за баражите во Лигата на шампионите. Динамо Киев и во вториот натпревар го победи Феенорд, со 1:0 (вкупно 3:1), а македонскиот репрезентативец Горан Попов кај победничката екипа го одигра целиот натпревар.

БАТЕ Борисов екипа која во претходното коло го елиминира македонскиот првак Вардар, на гостувањето го совлада унгарски Дебрецин со 2:0 или вкупни 3:1 за шампионот на Белорусија.

Денеска се играат реванш натпреварите и на уште 12.терени: Дуделанш – Марибор (1:4 прв натпревар), Нефчи – Ирони (0:4), Хелсингборг – Сласк (3:0), Екранас – Андерлехт (0:5), Хелсинки – Селтик (1:2), Либерец – Клуж (0:1), Базел – Молде (1:0), Васлуј – Фенербахче (1:1), Бриж – Копенхаген (0:0), Динамо Загреб – Шериф (1:0), Панатинаикос – Мадервел (2:0) и Партизан – АЕЛ (0:1).