Во Македонија и денеска тропски температури

Топлотниот бран продолжува и денеска со температури до 42 степени и УВ индекс 9

Топлотниот бран во Македонија продолжува и денеска со температури до 42 степени и УВ индекс 9.

Времето, според најавите на синоптичарите, ќе биде сончево со мала доумерена локална облачност, а попладне ќе има услови за изолирана нестабилна облачност проследена со краткотраен пороен дожд и грмежи.

Високите температури малку ќе се спуштат утре за кога се предвидуваат масимални 37 степени. Освежување се очекува в четврток, петок и за време на викендот со постепено намалување на температурите до 30 степени.

Комисијата на Министерството за здравство апелира до граѓаните да ги почитуваат превентивните мерки за намалување на ризиците од високите температури за лицата кои се наоѓаат на отворен простор, дома, на своите работни места, покрај езерата, реките и базените или на планините.

Информации за топлотните бранови континуирано се дистрибуираат на интернет страната www.toplotnibranovi.mk.