Натали Портман

Поради бременоста, нема да глуми во „Бетмен“

Ѕвездата на филмот „Црн лебед“, Натали Портман, е бремена.. Актерката, која има 29 години, неодамна снимаше филм за балерина, а нејзиното момче, кореографот Бен Милепид, и' помагаше да се подготви за улогата. Филмот моментално се наоѓа на висока позиција на листите за најгледани филмови во кината, иако е нискобуџетен.

По овој филм, Натали требаше да го снима продолжението на „Бетмен“ „Воскреснувањето на мрачниот витез“, во чие прво продолжение глумеше Хит Леџер, а за следното продолжение режисерот сакаше да ги искористи снимките од првото снимање. Иако никому не му е сосема јасно како ќе го направи тоа, многу фанови на младата Портман се радуваа дека ќе ја видат во една „малку поопака“ улога. Сепак, поради бременоста, веројатно нема да може да глуми во филмот, зашто целата продукција има рок до кој таа нема да се породи.

Во филмот „Црн лебед“ со Натали глуми и Мила Кунис, а двете се номинирани за наградата „Златен глобус“. Во филмот има лезбијски сцени меѓу Натали и Мила, поради што татко и' на Натали, конзервативен Евреин, моментално не разговара со ќерка си. Наводно, Натали поради него пред неколку месеци паднала во депресија.