Бин Хамам: Не купував гласови
Претседателот на Азиската фудбалска федерација, Мохамед бин Хамам, не може да се помири со суспензијата што беше изречена против него по обвинувањата дека се обидувал да поткупи претставници на Светската фудбалска федерација (ФИФА).
„За мојата сусоензија е решено порано, уште пред да почне истрагата“, изјави Катарецот и ги најави своите идни потези:
„Прв чекор е жалба, но знаеме дека ќе биде одбиена. Потоа ќе одиме на повисоки инстанци“.
Бин Хамам се товари дека исплаќал по 40.000 американски долари мито.
„Јас апсолутно не сум подмитувал никого. Никогаш во животот не сум платил некому за глас“, порача Бин Хамам.
Чак Блејзер, член на Извршниот одбор на ФИА, пак ја поддржува суспензијата.
„Тоа е добра одлука бидејќи купувањето гласови е апсолутно неприфатливо“. |
