И со повреда, Исинбаева на Мундијалот
Олимписката шампионка и светска рекордерка во скок со стап Елена Исинбаева ќе учествува на Светското првенство во август и покрај повредата на раката од минатата седмица, потврди претседателот на Атлетската федерација на Русија, Валентин Балахничов. Исинбаева, која им се врати на натпреварите по пауза од 11 месеци, беше принудена да се повлече од митингот во Луцерн во четвртокот, откако го повреди зглобот на раката. Својот следен настап 29-годишната Русинка ќе го има в петок на митингот од Дијамантската лига во Стокхолм.
Балахничов вели дека Исинбаева има нешто за докажување во Даегу, Јужна Кореја, откако не успеа да прескокне ниту една височина на СП 2009 во Берлин, а не освои медал ниту на мундијалот во сала минатата година во Доха. |
