Формирана комисија за делегирање судии
Досегашниот комесар за делегирање на судии, инаку менаџер на Судиската организација на ФФМ, Ангел Бунгуров, повеќе нема да ја извршува таа функција, по свое барање. Во новата сезона судиите во Прва и во Втора лига ќе ги делегира тричлена комисија, предводена од претседателот на Судискиот одбор, Раско Мишковски, заедно со Ерџан Хаџи Пази од Гостивар и Коста Јанески од Прилеп. Ангел Бунгуров ќе ги одредува контролорите на сите прволигашки и второлигашки натпревари, ќе се грижи за едукација на судиите и за подобрување на квалитетот на судењето во нашето првенство. Тој е и инструктор на ФИФА, така што ќе биде задолжен да одржува и семинари во другите држави. (М.М.) |
