Фиш ја одбрани титулата во Атланта
Американецот Марди Фиш спаси две меч-топки пред да го совлада својот сонародник Џон Изнер со 3-6, 7-6, 6-2 во финалето, со што си ја одбрани титулата на турнирот во Атланта. Во репризата на ланското финале американскиот рекет број еден беше во голема неволја во тај-брејкот по вториот сет, во кој губеше со 5-1 и со 6-4, но освои четири поени во низа и го одведе мечот во решавачки сет. Моментумот на Фиш се пренесе и во третиот сет, кога направи брејк во првиот гем, по што беше незапирлив до крајот. |
