Слаба оценка за судијата Вилмес
Фудбалскиот судија од Луксембург, Лик Вилмес, кој го судеше првиот меч од второто квалификациско коло за Лига Европа меѓу Металург и Локомотив во Скопје, кој заврши без победник 0:0, доби слаба оценка 7,8 од контролорот Чарлс Агиус од Малта. Контролорот му забележува на Вилмес за поништениот регуларен гол што го постигна Локомотив и за еден недосуден пенал во корист на бугарскиот тим.
Се' уште не е позната оценката за арбитражата на швајцарскиот судија Сирис Цимерман, кој со многу грешки на штета на Металург го судеше реваншот во Софија со Локомотив, кој го добија домашните со 3:2. (М.М.) |
