ЕРИН БЕРИ

Немав афера со Тони Паркер

Ерин Бери, жената за која светските таблоиди тврдат дека е одговорна за разводот на Ева Лонгорија и Тони Паркер, конечно, се огласи, инсистирајќи дека таа и Тони се само пријатели и дека немало никаква афера.

„Немав афера со Тони Паркер и не го ловев. За жал, со оглед дека во исто време се разведуваме, не' поврзаа поради нашето пријателство. Моето пријателство со Тони Паркер немаше никаква врска со крајот на мојот брак. Сето тоа заедно е доволно болно и без драмата што се додава со тврдењата за нашата афера. Сето тоа е многу наивно, смешно и сосема лажно“, изјавила Ерин Бери, инаку бивша сопруга на колегата на Тони од „Сан Антонио“, Брент Бери.

„Луѓето што не ме познаваат ме поврзаа со Паркер. Добив стотици и-мејлови и повици од пријатели, кои ме познаваат и поддржуваат. Многу сум зафатена со своите деца и студиите по право, па е жално што сега морам да издвојувам време за да се оправдувам“, вели Ерин Бери.

Иако медиумите во почетокот пишуваа за бурната афера меѓу Тони Паркер и Ерин Бери, подоцна се покажа дека само разменувале СМС-пораки, како и дека меѓу нив никогаш немало сексуален контакт.