Џенифер Лопез

Тужба за бившиот сопруг поради секси филмчето

Тоа дека изборот на погрешен маж може да и' го загорчи животот на жената се увери и Џенифер Лопез (41), која веќе со години води судска битка со бившиот сопруг Ојани Ноа, кој упорно се обидува да ги материјализира 12 месеци љубов со неа. Последниот судски спор е поврзан со нивното заедничко домашно видео, каде што пејачката го покажува меѓуножјето возејќи се на скутер.

Алчниот танчар се обидел да го продаде, но амбициозната Џенифер Лопез дала се' од себе да не се случи тоа, барајќи правда на суд. Пред три години таа на суд се избори за забрана за издавање книга за својот живот, повторно од перото на бившиот сопруг и видеото: „Како се оженив со Џенифер Лопез: приказна на Џеј Ло и Ноа“.

Пејачката и танчарот со кубанско потекло се запознале во еден ресторан во Мајами, каде што тој работел како келнер. Се венчале многу брзо и уште побрзо се развеле откако не минале ни цела година во брак. По разводот, Џенифер го вработила Ноа во својот ресторан, како управител, но повеќе немала милост спрема него кога дознала колку е алчен и дрзок. Прашањето сега е дали нејзиниот сегашен сопруг Марк Антони, со кого ги има близнаците Макс и Ема, ќе има милост кон неа, ако домашното видео од лудата младост излезе на светлината на денот.