Тројца загинати во сообраќајка кај Лозово

(18.11.2010г.-09:23ч.) Тројца загинати и шестмина повредени е билансот од страотната сообраќајна несреќа што вчера околу 17 часот се случи на патот Велес-Штип во близина на селото Лозово. До несреќата дошло по судир на камион „Там“ со струмичка регистрација и автомобил „форд ескорт“ со бугарски ознаки. Тројца од повредените се префрлени на скопските клиники. Надлежните извршија увид и ги утврдуваат причините за сообраќајката. Првично, трагедијата се случила поради непрописно престигнување на камионот.