Ивановиќ: Привремено заминувам од тенисот!

Поразот во 1. коло на УС-опен од 52. тенисерка на светот, Катарина Бондаренко ја наведе српската тенисерка, некогаш прв светски рекет, Ана Ивановиќ, привремено да се повлече од тенисот. Скршена по поразот, Ивановиќ изјави дека и е потребна пауза и дека само така евентуално може да им се врати на успесите кои ги постигнуваше пред кризата. Поразот беше само повод, а кризата трае веќе извесно време.

„Многу сум разочарана. Ме предаде моето најсилно оружје, форхендот. Но, не е само во тоа проблемот. Не избирав вистински удари, а ми недостасува и самодоверба. Со години не сум била на одмор, и мислам дека оваа пауза добро ќе ми дојде. Сакам повторно да се вратам во светскиот врв, а во овој момент тоа е едноставно невозможно. Морам малку да се тргнам од тенисот“, изјави Ана Ивановиќ.