Парламент
Изгласани измените на Законот за знамиња
18.07.2011, 13:13
Со 63 гласа „за“ и 40 „против“, Собранието ги изгласа измените во Законот за знамињата, уште еден закон од договорот меѓу Груевски и Ахмети за формирање на новата Влада.
Според законот, во општините во кои над 50 проценти од населението се припадници на некоја заедница, тие ќе можат да го истакнуваат своето знаме заедно со државното. Државното знаме треба да биде за една третина поголемо од другите знамиња.
ВМРО ДПМНЕ и ДУИ дури во третиот обид успејаа да обезбедат кворум за гласање. Опозицијата беше јасна дека секогаш кога се работи за закони од интерес на граѓаните, тие ќе учествуваат во гласањето.
Овој закон, рече Игор Ивановски, е проширување на Охридскиот договор. Одговорноста за спроведување на Охридскиот договор е целосно во рацете на ВМРО ДПМНЕ и ДУИ.
Утре е последниот дел од договорот, автентичното толкување на Законот за амнестија, со што веќе нема да има кривично гонење за четирите хашки случаи - водството на ОНА, малтретираните мавровски работници, случајот „Непроштено“ и затворената липковска брана.
|
