Економија
Меркел: Еврото не е во опасност
18.07.2011, 13:27
Пред вонредниот самит на Европската унија се погласни се барањата за отпишување на грчките долгови, што ниту германскиот канцелар Ангела Меркел не го исклучува како можност.
- Поради големиот грчки долг се создадоа мошне, мошне тешки околности. На сите начини настојуваме да избегнеме нешто што би било уште потешко - изјави синоќа германската канцеларка во интервјуто за Првата програма на германската телевизија АРД.
За в четврток е закажан состанок на врвот на 17 земји од еврозоната на кои претседатели и премиери ќе разговараат за помошта на Грција. Ангела Меркел е сигурна дека состанокот ќе донесе конкретни резултати.
Меркел ги отфрли мислењата дека финансиските тешкотии на одделни земји би можеле да ја загрозат заедничката европска валута.
- Еврото не е во криза. Се работи на тоа еврото да остане стабилна валута, а токму на Германија посебно и се потребни заедничките пари - изјави таа и дополни дека станува збор за должничка криза на одделни земји.
Според Меркел, две работи с�� од централно значење кога станува збор за грчкиот долг - Грција мора да ги спроведе реформите и приватните доверители во иднина мораат да учествуваат во решавањето на проблемот.
|
