Енергетика
Поскапуваат бензините и дизелот
18.07.2011, 13:57
Регулаторната комисија за енергетика одлучи бензините и дизелот од ноќеска на полноќ да поскапат од три до 3,5 денари за литар.
Новата малопродажна цена на ЕУРОСУПЕР БС-95, која е за 3,5 денари повисока, изнесува 74,50 денари, а на ЕУРОСУПЕР БС-98, кој поскапува за три денари, новата цена е 76 денари. Зголемувањето на цената на ЕУРОДИЗЕЛ (Д-Е В) е исто така три денари и ќе се продава по 66 денари за литар, а екстра лесното масло за домаќинство по 57 денари за литар. Се зголемува и малопродажната цена на мазутот М-1 НС за 2,018 денари за килограм и ќе изнесува 42,421 денари.
Просечната цена на сурова нафта на светскиот пазар во изминатиот 14-дневен период изнесуваше 116,399 долари за барел и е за 6,33 отсто повисока од просечната цена на сурова нафта по која беа формирани тековните цени на нафтените деривати.
Курсот на денарот во однос на доларот во изминатиот 14-дневен период изнесуваше 43,1754 денари за долар и е за 0,31 отсто повисок од курсот на доларот по кој беа формирани цените.
|
