Трансфер
Сити го продаде Тевез за 45 милиони евра
18.07.2011, 14:32
Желбата на Карлос Тевез да се врати во Јужна Америка и да биде поблиску до своето семејство му се исполни, откако синоќа од Манчестер Сити потврдија дека е прифатена понудата на бразилски Коринтијанс од 45 милиони евра.
Иако, според некои медиуми, Сити добил и повеќе за својот капитен од некои други клубови, како на пример 52 милиони евра од Јувентус, желбата на играчот да се врати во Јужна Америка била пресудна.
По прифаќањето на понудата од Сити, сега е на Тевез да ги договори личните услови со Коринтијанс, нешто што не би требало да биде проблем со оглед на тоа што тој веќе беше дел од овој клуб во минатото и има одлични односи со управата на Коринтијанс.
|
