Дамовски сведочеше во процесот за обвинетите од „Перо Наков“
18.07.2011, 15:36
На денешното рочиште за судскиот процес ,,Пајажина“ одбрана даде поранешниот управител на ,,Време еч“ Александар Дамовски кој изјави дека за финансиското работење на весникот одговорни биле службите од „Перо Наков. На неговиот исказ реагираа адвокатите на Рамковски.
„Јас бев само управител и втор потписник, сопственик на фирмата беше Ерхан Чичек, негов застапник беше Велија Рамковски, а за целото сметководствено и финансиско работење беше одговорен тимот на Рамковски од „Перо Наков“, ова денеска пред судот го изјави Александар Дамовски поранешен управител на компанијата „Време Еч“, издавач на весникот Време.
Сведочењето на Дамовски и неговата одбрана предизвика реакции од адвокатите на Рамковски.
Дамовски пред судот рече дека останува на исказот даден пред истражниот судија за време на истрагата, но адвокатите на Рамковски бараа тој да одговара на прашањата бидејќи сведочел пред друг истражен судија и обвинител. Судот сепак реши да го сослуша обвинетиот Дам��вски, кој изјави дека не се чувствува виновен.
Рече дека тој како новинар и уредник во 2003-та заедно со Рамковски и со уште еден новинар, Ѓорѓи Барбаровски, се договориле да отворат нов весник „Време“, кој ќе го издава компанијата „Време ЕЧ“, за која ќе биде впишан како сопственик турскиот државјанин Ерхан Чичек.
|
