Интер со половичен плен и во Фиренца

Одбраната на шампионската титула во Италија станува прилично тешка задача за фудбалерите на Интер кои повеќе се посветија на настапите во Лигата на шампионите и со лошите партии на италијанските тревници им овозможуваат на Рома и Милан да го преземат врвот на табелата во Серија А. Во дербито на 33 коло избраниците на Жозе Мурињо освои само бод на гостувањето кај Фиорентина (2:2) и со евентуална победа на Рома над Аталанта (играа вчера) ќе и' ја препуштат лидерската позиција на „римската волчица“.

„Не сме загрижени и не размислуваме што ќе направат фудбалерите на Рома. Тие допрва треба да играат. Ние игравме денеска против еден извонреден тим. Сторивме се што требаше“, изјави Марко Бранка, технички директор на Интер, за Скај ТВ по мечот.

Серија А, 33. коло



Резултати: Фиорентина - Интер 2:2, Наполи - Парма 2:3. Табела: Интер 67, Рома 65 65 (-1), Милан 63 (-1), Палермо 51 (-1), Сампдорија 51 (-1), Наполи 49, итн...