За Ериксон месечна плата од 305 илјади евра

Свен Ериксон, од неодамна селектор на Брегот Слонова Коска, пред извесно време се пожали дека новата работа нема да му донесе многу пари, но според пишувањето на „Франс фудбал“, бившиот кормилар на англиската репрезентација ќе добие повеќе од добра компензација за времето кое ќе го мине на клупата на „слоновите“.

А, ако се гледаат месечните примања на селекторите на претстојниот мундијал, Ериксон е на второто место, зад селекторот на Англија Фабио Капело. Француските новинари веруваат дека на Швеѓанесот, кој се обврза на верност на 90 дена, ќе му се исплаќаат по 305 илјади евра месечно, но неговиот договор подразбира и многу бонуси, зависно од резултатите. Доколку Ериксон ја мине групата, ќе добие дополнителни 203.000 евра, а 305.000 за пласман во четврт-финалето, 406.000 за полуфинале и 509.000 за борба за трофеј, што е вкупно 1,5 милиони евра. За Ериксон е обезбеден и луксузен хотел во Лондон, чија цена изнесува 25.000 евра месечно, како и кредитна картичка без лимит, која ќе му овозможи да патува низ светот и да ја следи играта на репрезентативците.