Холифилд повторно светски шампион

Американскиот боксер Ивандер Холифилд повторно ја освои светската шампионска титула во тешка категорија. Во саботата во Лас Вегас тој го порази Јужноафериканецот Франсоа Бота со технички нокаут во осмата рунда.

Својот шест години помлад противник Холифилд го испрати на под по во пределот на брадата на почетокот на осмата рунда. Бота стана, но веднаш следуваше нов напад на 47 годишниот Американец по кој судијата ја прекина борбата.

До тој момент Бота имаше предност кај двајца од тројцата судии крај рингот (67:66), додека третиот беше наклонет на Холифилд (69:64).

Ивандер Холифилд кој сега има 43 победи, 10 порази и две нерешени борби, паузираше 15 месеци. Последната борба ја имаше во Цирих против Русинот Николај Валуев. За Бота, пак, ова е петти пораз во кариерата во која има 47 победи и три нерешени пресметки.