Фудбалски вести
Изненадувањето на Фергусон: Овен потпишува за Манчестер Ј.
Мајкл Овен ги договори сите детали од договорот со Манчестер Ј. и уште вчера требаше официјално да потпише, под услов да ги мине медицинските прегледи. Тоа е изненадувачката вест што ја објавија неколку англиски медиуми.
„Неверојатно е како еден ден го бара Хал, а веќе наредниот се јавува англискиот првак. Таков предизвик му беше потребен на Мајкл и се надевам дека се ќе биде в ред со трансферот во Јунајтед“, изјави извор близок до бившиот напаѓач на Ливерпул, Реал и Њукасл.
Во последната реченица на пријателот на Овен се крие и најголемиот проблем. Иако, финансиските детали се договорени Фергусон сака добра здавсвена слика, бидејќи целиот свет знае дека бившиот англиски репрезентативец има проблеми со повредите веќе подолго време.
Фергусон лично разговарал со Овен и му ги кажал неговите услови. Напаѓачот така би се согласил на 50 отсто помала плата отколку што земаше во Њукасл, а „бебињата“ би го довеле бесплатно со оглед на тоа што му истече договор со „црно-белите“. Поточно, во Јунајтед Овен би заработувал 58.000 евра неделно, со значителни бонуси за головите и настапите во првата екипа.
Инаку, Алекс Фергусон сака да се вклучи и во трката со Милан за напаѓачот на Севилја Луис Фабијано и за него е подготвен да плати 18 милиони евра. „Дејли Мирор“ наведува дека Јунајтед е исто така и во преговори со Атлетико Мадрид за Агуеро, за кого е подготвен да плати 46 милиони, иако претседателот Енрике Черезо јасно кажа дека вредноста на Аргентинецот е 60 милиони.
Вчера некои италијански медиуми објавија дека англискиот шампион загризал и за Златан Ибрахимовиќ. Неговата цена е околу 70 милиони евра, кои Јунајтед ги има од продажбата на Роналдо. За целата приказна се' уште не се огласил Мурињо, кој сигурно ќе полуди ако претседателот Морати одлучи да го продаде Швеѓанецот.
Ван Гал има повеЌе помошници отколку играЧи
Новиот тренер на Баерн Луис ван Гал создаде огромен тим на помошници, дури 13. „Во случај да му се разболи целата екипа од било каков вирус Ван Гал може слободно на терен да го прати својот тренерски тим“, се шегуваа германските новинари.
Ван Гал ги задржа сите луѓе од стручниот штаб на Клинсман, но вработи и свои од доверба, меѓу кои и масери, лекари, стручњаци за тактика и физичка подготвеност, медицина, нутриционизам, работа со голманите. Инаку, Клинсман во стручниот шатб имаше само шест лица.
Рамос: Барселона е тим, Р��ал Мадрид уште не
Довчерашниот тренер на Реал М. Хуанде Рамос е уверен дека и покрај големите засилувања на Реал М, Барселона и натаму е подобра. Реал М досега се засили со Роналдо, Кака, Албиол, Бензема и потроши повеќе од 200 милиони евра, но тоа за Рамос не мора да значи ништо.
„Гледајќи ги играчите поединечно, би кажал дека Реал М е посилен, но Барса има предност како колектив. „Кралевите“ тоа се' уште не се. Ќе видиме што ќе случи. Сега е време фудбалерите на Реал М да се промешаат, па да видиме каков коктел ќе излезе од сето тоа“, сликовито објасни Рамос, кој на клупата на Реал М беше заменет со Мануел Пелегрини.
Роналдо: Ме тепаа, затоа заминав од АнглиЈа
Најскапиот играч на сите времиња Кристијано Роналдо изјави дека ја сменил средината затоа што се грижел за своето здравје. „Постојат екипи свесни дека не може да се надигруваат со вас, па само ве удираат“, се пожали Роналдо на престојот на Островот.
„Тоа страшно фрустрира и мора нешто да се преземе за да се заштитат вештите играчи, бидејќи некој може сериозно да страда. Мислам дека може да не заштитат, но тука мора своја улога да одиграат и судиите“, додаде Роналдо. |
