Фуудбалски вести
Федерер им го прекина ручекот на фудбалерите на Ливерпул
Најдобриот светски тенисер Роже Федерер ги посети играчите на Ливерпул кои се на подготовки во Швајцарија. Капитенот Стивен Џерар му го подари дресот со бројот 15.
Никој од фудбалерите не ни помислуваше дека Федерер ќе ги посети среде ручек по утринскиот тренинг, па многумина беа шокирани гледајќи го славниот тенисер во ресторанот.
„Извинете што ви го прекинувам ручекот, сакав да ве посетам“, изјави Федерер на влезот од ресторанот, а играчите на Ливерпул со аплауз го поздравија и станаа да се запознаат и да се сликаат со него.
Додека Федерер ги потсетуваше на мечот Базел - Ливерпул 3:3 од Лигата на шампиони во 2002 година, капитенот Џерар му пријде и му го подари дресот со број 15, алудирајќи на неговите рекордни 15. Грен слем титули.
Поради поголема заработка, Перез бара Реал да игра попладне
Претседателот на Реал М. Флорентинио Перез откако седна во фотелјата потроши 200 милиони евра на засилувања. Но за да ги оплоди вложените пари бара неговиот тим своите првенствени натпревари да ги игра во попладневните часови, со што би се зголемила гледаноста, а со тоа и заработката.
Еден од најголемите финансиски колачи клубовите го добиваат од ТВ правата, а со предлогот на Перез натпреварите би можеле да ги следат и навивачите од Азија. Перез сака во текот на зимата Реал да игра од 15 часот, а во летниот период еден час подоцна.
Според, него досега Реал М на натпреварите во Мадрид го гледале 800.000 ТВ гледачи, а со новата сатница таа бројка би се зголемила за еден милион.
ФИФА зеде воздух - прекинат штраЈкот на 70.000 работници во Ј. Африка
Штрајкот на градежните работници во Ј.Африка, домаќинот на СП 2010 година, е прекинат. Незадоволството на работниците се зака��уваше на довршувањето на изградбата на стадионите на кои ќе се играат натпреварите на СП, но за среќа постигнат е компромис.
Работниците бараа зголемување на платата за 13 отсто, а работодавачите не се согласија на повеќе од 11,5 отсто, но сепак на крајот се најдоа на 12. Околу 70.000 работници може да се вратат на работа.
„Штрајкот е прекинат. Се надеваме дека градежните фирми ја научија лекцијата“, триумфално објави портпаролот на националниот синдикат и додаде: „Потребата стадионите итно да бидат завршени како би му покажале на светот дека Ј.Африка може да биде одличен домаќин беше пресудна за зголемување на платата“.
Астон Вила за 14 млн. евра го донесе Даунинг
Минатата сезона Даунинг го повреди десното стапало и мораше на операција. Поради тоа не можеше да му помогне на својот Мидлсборо во борбата за опстанок. Сега не му се играше во Втората лига, па реши да ја смени средината. Потпиша за Астон Вила за сума од 14 милиони евра. |
