Ефремов со најдобар резултат во кариерата

Ефремов во конкуренција на 50 натпреварувачи го освои 44. место и е единствениот од македонските спортисти, кои настапија на ОИ што го подобри личниот рекорд

Македонскиот атлетичар Кристијан Ефремов денеска на Олимпискиот стадион во Лондон, во квалификациите на 400 метри го истрча својот најдобар резултат во кариерата. Тој во трката на 400 метри постигна време 47 секунди и 92 стотинки, што е за 34 стотинки подобар резултат од неговиот најдобар резултат досега истрчан на 9. јуни оваа година во Софија.

Ефремов во конкуренција на 50 натпреварувачи го освои 44. место и тој е единствениот од македонските спортисти, кои настапија на Игрите во Лондон што го подобри личниот рекорд.