Пукотници и крвава драма во Милвоки

Најмалку седум жртви на пукотница во заложничка драма во Оук Крик, близу Милвоки во САД

Најмалку седум луѓе се загинаа, а повеќемина се повредени при пукотница во еден храм на индиската заедница Сики, во градот Оук Крик недалеку од Милвоки јавија агенциите.

Нападот се случи во неделата околу пладне, кога 40 годишен маж вооружен со најмалку два полуавтоматски пиштоли влегол во храмот на оваа верска заедница со потекло од Индија, во време кога собраните верници се подготвувале за богослужба.

Инцидентот се случол кога напаѓачот отворил оган кон верниците, меѓу кои имало и жени и деца, предизвикувајќи панично бегство надвор од објектот. Полицијата бргу интервенирала, при што дошло до пресметка во која еден полицаец бил тешко ранет, но на крајот полицајците успеале да го убијат напаѓачот.

Причините за нападот се уште не се познати, но во медиумите се шпекулира дека се работи за напад поттикнат од верска омраза, а безбедносните служби нападот го опишаа како случај на домашен тероризам што обично подразбира политичка заеднина на напаѓачот.

Американската полиција доцнеше со официјални соопштенија за нападот и последиците за на крај да изјави дека инцидентот го третираат како „внарешен тероризам“.