Силуван затвореник во Казнено-поправниот дом во Штип

Двајца осуденици кои издржуваат затворски казни во Казнено-поправниот дом во Штип се сомничат дека малтретирале друго осудено лице, а потоа едниот од нив извршил силување.

Тешкиот инцидент, кој се случил во средата, е потврден и од полицијата. Досегашната истрага покажала дека жртвата, која настанот го пријавила во саботата, најпрво била физички малтретирана, а потоа и силувана. Имено, според пријавата на О.Ф. (27) во средата, само еден час пред полноќ, во соба на КПД-Штип затворениците А.С. (24) од Радовиш, и Б.А. (28) од Струмица, најпрво без повод и причина физички го нападнале затвореникот удирајќи го притоа со раце и нозе по целото телоо, а потоа го гореле со цигара. Во еден момент насилниците со врвца му ги врзале рацете на О.Ф. и додека Б.А. го држел на креветот А.С. го силувал.

Откако го силувал тој му се заканил на силуваниот дека ќе го убие доколку некому каже за настанот. Следното утро А.С. повторно го силувал О.Ф.

Силуваниот затвореник бил медицински прегледан во Медицинскиот центар во Штип. Во разговор со полицијата сторителите тие во целост го признале делото. Од штипската полиција најавуваат дека за А.С. ќе следи кривична пријава за кривично дело силување, а за Б.А. за кривично дело помагање при извршување на кривичното дело силување. (Љ.С.)