Фудбалски вести
На Подолски му се закануваат со одземање на полското државјанство
Двата гола кои им ги даде на своите Полјаци предизвикаа не само спортска, туку и политичка бура во државата во која е роден. Мирослав Орзековски, претседателот на политичката партија Католичка лига на полските семејства, изјави дека Подолски треба да се откаже од полското државјанство со оглед на тоа што сегашните полски закони не дозволуваат двојно државјанство.
Предлогот предизвика бурна реакција. Додека едни ја напаѓаат недемократичноста на демохристијанскиот лидер, други се прашуваат зошто Подолски не игра за Полска наместо за Германија, вперувајќи го прстот во Фудбалскиот сојуз на Полска. Од Полска во Германија родителите на Подолски се преселија во 1987 година, две години по раѓањето на Лукаш. По потекло и двајцата се Германци. Затоа и добија државјанство.
Сара го полуде Швајнштајгер
Бастијан Швајнштајгер кој блескаше на СП 2006 година игра се' послабо, па сега не е ниту во првиот состав на Германија. Против Полска влезе во вториот дел, а германските новинари велат дека тој игра непрепознатливо откако има нова девојка. Станува збор за синокосата Сара Бранднет со која се запозна на една забава и оттогаш се неразделни.
Донадони менува половина тим
Откако беше распнат од италијанските новинари селекторот Роберто Донадони се одлучи за големи промени за мечот со Романија. На клупата ќе се преселат Матераци, Гатузо, Каморанези и Ди Натале, а од првата минута на терен ќе бидат Гросо, Киелини, Де Роси, Касано и Дел Пјеро, додека „аѕурите“ ќе заиграат во формација 4-3-1-2. Италија против Романија игра утре, а евентуален пораз би значел крај за светските прваци.
Кака доби син
Ѕвездата на Милан Кака со својата сопруга Каролина доби син Лука. Бебето е тешко 3,6 килограми, а лекарите изјавија дека и тоа и мајката се во одлична здравствена состојба. Кака, пак, изјави дека ова е најубавиот гол во неговиот живот |
