Кинез убил шестмина полицајци за да се одмазди за испрашувањето
ПЕКИНГ - Кинескиот суд вчера поднесе обвинителен акт против едно лице за убиство со предумисла на шест полицајци во Шангај, каде што тоа една година претходно било задржано од полицијата за испрашување, објавија државните медиуми. Лицето Јанг Џиа (28), се наведува дека барал одмазда за испрашувањето што се случило минатата година, кога тој бил осомничен за кражба на велосипед. „Прокураторството донесе одлука дека Јанг го извршил убиството поради одмазда за испрашувањето“, објави државната новинска агенција, Ксинхуа. Јанг наводно го избол со нож лицето од обезбедувањето во полициската станица во шангајската област Жабеи, подметнал пожар пред вратата, потоа упаднал во неа и избол со нож неколку полицајци, кога шестмина од нив ги загубија животите. (Ројтерс) |
