Се препорачува Устаниот суд на Турција да не ја забрани АКП
АНКАРА - Советникот на турскиот Уставен суд препорача дека судот не треба да ја забрани владејачката АКП поради антисекуларни активности, изјавија официјални лица. Во необврзувачкиот извештај Осман Кан изјави дека одлуката на АКП за укинување на забраната за носење исламски шамии имала за цел проширување на слободите, додаваат тие. Турскиот јавен обвинител ја обвинува партијата дека се обидува да го замени секуларниот систем во земјата со создавање исламска држава. Партијата ги негира овие обвиненија. Пресудата за овој случај се очекува да биде донесена за еден месец.
Кан, исто така, препорача Уставниот суд да ги отфрли обвиненијата против АКП за поткопување на секуларизмот во Турција, додаваат официјалните лица. Хасим Килич, претседател на судот, потврди дека препораките на Кан беа пренесени до советот од 11 судии. АКП, повеќето од нејзините лидери вклучувајќи ги и премиерот Реџеп Таип Ердоган и претседателот Абдула Ѓул претходно беа членови на исламистичка партија, освои убедлива победа на минатогодишните избори. Уште се додава дека судскиот процес е идеолошки, а не правен, покренат од традиционалната секуларна елита која не успеа да победи на изборите. (Би-Би-Си) |
