Весниците ќе му платат 600.000 фунти на Британец кој неправедно го обвинија
Лондон - Единаесет британски весници се согласија да му исплатат отштета од 600 илјади фунти (околу 750 илјади евра), како и јавно да му се извинат на Британецот Роберт Мјурат, кој подолго време живее во Португалија, за "клеветењето, навредувањето и неоправданото обвинување" дека бил вмешан во случајот со исчезнувањето на девојчето Маделин Мекејн во португалското одморалиште Праја де Лус.
Судењето во лондонскиот Виш суд против сите британски таблоиди, како и шкотскиот весник "Шкотсман", се смета за настан без преседан, затоа што одеднаш на обвинителната клупа се најдоа толку многу весници, но отшетата што Мјурат и неговиот адвокат ја прифатија е помала од онаа што се очекуваше, иако таа сама по себе е мошне висока за вакви случаи.
Судијата ги прифати наодите на Мјурат во тужбата дека со "неколку стотината написи" во таблоидите за него, за неговата девојка и за неговото семејство е предизвикана огромна штета врз угледот и личноста на Роберт Мјурат, како во Велика Британија така и во Португалија. (МИА) |
