Генералот што го бомбардира Дубровник доби 7,5 години затвор
Хаг - Жалбениот совет на Хашкиот трибунал ја потврди пресудата за поранешниот генерал на југословенската армија, Павле Стругар, за бомбаридирањето на Дубровник во 1991 година.
Жалбениот совет додаде уште две точки во обвинението за генералот Стругар, кои недостасуваа во првичната пресуда од 2005 година. Пресудата беше намалена од осум години на седум и пол години затвор поради влошената здравствена состојба на осуденикот.
Седумдесет и петгодишниот Стругар при изрекувањето на пресудата не покажа никакви емоции.
Првично тој беше прогласен за виновен по две точки од обвинението, за смислено разурнување на Дубровник и за напади врз цивили. Судиите додадоа уште две точки: За недозволено опустошување на градот и за напади на цивилни објекти.
Дубровник е во списокот на УНЕСКО за заштитени светски културни споменици заради својата готска, ренесансна и барокна архитектура. (МИА)
|
