Како Џенет Ли во филмот за Хичкоковиот „Психо“

Холивудската актерка Скарлет Јохансон се подготвува за улогата на Џенет Ли, во филмот за снимањето на познатиот хорор на Хичкок, „Психо“. Атрактивната русокоса ќе се најде во улога на легендарна актерка која ја толкуваше главната улога во класикот на Хичкок, „Психо“.

Н��вата драма ќе ги прикажува случувањата зад кулисите на познатиот хорор, а легендарниот Хичкок ќе го глуми Ентони Хопкинс. Во ова остварување ќе се најде и Хелен Мирен, во улога на сопругата на режисерот, Алма Ревил.

„Психо“ е еден од најзначајните филмови во историјата на кинематографијата. Една од најпознатите филмски сцени од филмот е онаа во која Норман Бејтс (Ентони Перкинс), кој глуми убиец опседнат со својата мајка, ја убива Мерион (Џенет Ли) додека таа се тушира.