Што прават денеска

Тодор Гечевски

- кошаркар во „МЗТ Скопје“

По вчерашниот натпревар со „Торус“, денеска имаме слободен ден. Тоа значи дека барем денеска немаме тренинзи, па можам целосно да и' се препуштам на иницијативата на семејството. Но од утре повторно продолжуваме со истото темпо на тренинзи и подготовки за следниот натпревар во домашната кошаркарска лига.

Катерина Илиевска

- актерка

Понеделник во принцип за нас актерите е слободен ден, барем што се однесува до претставите и обврските во театарот. Сепак денеска имам состанок за договор околу почетокот на синхронизација на една нова серија. Попладне планирам конечно да почнам со зумба-фитнес. Нели понеделнички се почнува со такви работи, ха, ха!

Горан Тренчовски

- режисер

Денес со продуцентот треба да ја утврдам фазата пред снимање на филмот „Подигравка“. Ги подготвувам и пробите за претставата по мотиви на Бекет. Покрај сето ова ме очекуваат и активностите околу „Астерфест'“.