Геј го собори американскиот рекорд на 100 м.
Светскиот првак Тајсон Геј во саботата на американските олимписки квалификации во атлетика, кои се одржуваат во градот Јуџин, во рамките на четврт-финалната трка го постави новиот државен рекорд во дисциплината на 100 метри со време 9,77 секунди.
Тој го поправи американскиот рекорд кој од далечната 1999 година го држеше Морис Грин. Во историјата на оваа дисциплина побрзи од Геј се само поранешниот и актуелниот светски рекордер, атлетичарот на Јамајка Усаин Болт (9,72) и Асафа Пауел (9,74).
Пред да го оствари овој феноменален резултат, Геј можеше да го снајде голема драма уште во првиот круг на квалификациите. Имено, во неговата група тој убедливо поведе, меѓутоа на 30 метри пред целта значително подзастана, и едвај стигна до четвртото место во групата со кое избори пласман во следната рунда. |
