Нобелова награда за докторот кој „создаде“ дете од епрувета

Нобелова за медицина: Со методот на британскиот научник Роберт Едвардс, првото бебе се роди во јули 1978 година

Физиологот од Кембриџ, проф. Едвардс, кој сега има 85 години, и починатиот Патрик Степто, хирург по гинекологија, ја развија технологијата ИВФ со која јајни клетки се оплодуваат надвор од организмот и се имплантираат во матката. Д-р Степто почина во 1988 година. Нивната пионерска работа доведе до раѓањето на првото бебе од епрувета во светот, Луиз Браун во 1978 година.

Мајк Мекнами, главен извршен претставник на "Бурн хол", клиниката за ИВФ што ја основаше професор Едвардс, во близина на Кембриџ, изјави: "Боб Едвардс е еден од нашите најголеми научници. Неговата инспиративна работа во раните 1960-ти години доведе до напредок што ги подобри животите на милиони луѓе во светот. Боб Едвардс е прифатен со голема наклонетост од сите кои соработувале со него и биле лекувани од него. Навистина ми е задоволство што мојот голем ментор, колега и пријател е признат на овој начин".

Професор Едвардс претходно изјави: "Најважната работа во животот е да се има дете. Нема ништо поспецијално од дете".

Еден од најгордите моменти беше податокот дека 1.000 бебиња се родени со ИВФ во "Бурн хол" после Луиз Браун. Тој потсети на возбудата кога ја пренел информацијата на тешко болниот д-р Степто, кратко пред смртта на д-р Степто. "Никогаш нема да го заборавам радосниот поглед во неговите очи", вели проф. Едвардс.Портпарол на проф. Едвардс изјави дека професорот не се чувствува добро за да дава интевјуа. (Телеграф)