„Певец“ не дава плати, го тресат штрајкови

Вработените во хрватската компанија „Певец“, која има свој маркет и во Македонија, од вчера започнаа штрајк, бидејќи не зеле плати во последните два месеца, јавуваат хрватските медиуми.

Претставници на синдикатот соопштиле дека се одлучиле на штрајк бидејќи немале друг начин за да се изборат за исплата на заостанатите плати. Според синдикатот, вкупниот долг за плати на работниците изнесува околу шест милиони куни или 820.000 евра. „Певец“ веќе извесен период е во големи финансиски проблеми, сметките на фирмата се блокирани, долговите спрема доставувачите се во милионски суми, а банките откажале понатамошно кредитирање. Затворени се трговските центри на „Певец“ во Вараждин, еден во Загреб и во Бања Лука. (Натпрес)