Цената на златото со нови рекорди

Слабиот американски долар ја зголеми побарувачката на злато на уште едно рекордно ниво, пренесува Би-Би-Си. Цената на златото достигна цена од 1.201,63 долари за унца на Лондонската берза, откако достигна историски висока цена во изминативе недели.

Индексот на доларот падна за 0,8 отсто во однос на другите валути, како последица на стравот како долговите на Дубаи ќе влијаат на интернационалните пазари. Побарувачката за злато беше поттикната и од потезите на централните банки да ги прошират средствата. Слабеењето на доларот го прават златото поевтино за ривалските валути, со што се стимулира побарувачката за благородниот метал. За возврат, пак, ова ја крева цената во долари.

Цените на златото беа високо кренати откако Меѓународниот монетарен фонд и' продаде злато на централната банка на Шри Ланка минатата недела. ММФ соопшти дека на Шри Ланка и' продал 10 тони злато за цена од 375 долари, со цел да го преструктуира нејзиниот финансиски сектор.