Серија земјотреси беа регистрирани синоќа во регионот околу Егејското Море, при што најсилните потреси со интензитет меѓу четири и пет степени според Рихтеровата скала, беа почуствувани на Крит и во Истанбул.

Грчкиот остров Крит синоќа во период од 15-тина минути го погодија два посилни земјотреси со интезитет од 5,1 и од 4,1 степени според Рихтер.

Како што соопшти Атинскиот институт за геодинамика, епицентарот на потресите бил под морското дно на 428 километри југоисточно од Атина.

Според грчките медиуми, при земјотресите нема жртви, а не се регистрирани ниту материјални штети.

Турските медиуми јавија дека, во Истанбул бил регистриран потрес со јачина од 4,4 степени според Рихтер. Епицентарот на потресот бил јужно од Истанбул, на длабочина од 7,7 километри под дното на Мраморното Море.

Ни при овој потрес нема информации за евентуални жртви или материјални штети. (МИА)