На СП му се заканува студено време и снег

Светското фудбалско првенство во Јужна Африка е првото што се одржува на африканскиот континент, а може да биде и прво за чие време ќе падне снег. Есента е во заминување во Јужноафриканската република. Земјата домаќин на мундијалот се наоѓа пред студен воздушен бран кој ќе донесе пад на температурите и снег во повисоките предели.

Државното радио во Јужна Африка информира дека неколку планински премини во ��ровинцијата Вест Кејп се веќе затворени и воедно апелира до навивачите да се облечат топло во наредните денови.

Во некои места како Врибург и Бетлехем се очекува спуштање на температурата и до шестиот степен под нулата, а од градовите во кои се играат мечевите на СП 2010 најстудено може да биде во Блумфонтејн (-3).

Дури шест стадиони од десетте на ова СП се наоѓаат на надморска височина поголема од 1.200 метри. „Елис парк“ и „Сокер Сити“ во Јоханесбург се наоѓаат на 1.800 метри, Рустенбург е на 1.500 метри, Блумфонтејн на 1.400 метри, Полокване на 1.310 метри и Преторија на 1.214 метри.