Зидан: Доменех не си ја знае работата

Француската фудбалска легенда, Зинедин Зидан, ги критикува француските репрезентативци дека не играат тимски и како причина за тоа го наведе оспоруваниот селектор.

„Играчите мора да го контролираат своето его. Во мечот против Уругвај не видов колективна игра туку само силни солирања. Сите се обидуваа да ја завршат работата на свој начи��, а тоа не е добро“, истакна Зидан во разговор на француската ТВ станица „Канал +“.

Поранешниот играч за врска на Бордо, Јувентус и Реал Мадрид нема премногу убави зборови за Рајмон Доменех, селектор на „триколорите“.

„Не забележав дека Доменех се однесува како вистински тренер. Тој само ги избра фудбалерите и воопшто не се грижи за играта. Не е способен да ја организира екипата“, вели Зидан.