Иниеста заздравува, Торес ја пропушта Швајцарија

Играчот од средниот ред на шпанската репрезентација, Андрес Иниеста, кој на почетокот на неделата се здоби со повреда на бутниот мускул, почна нормално да тренира и може да биде подготвен за утрешниот меч против Швајцарија со кој актуелниот европски првак ќе го започне својот настап на СП во Јужна Африка.

Иниеста се повреди во дуелот со Полска во кој „црвената фурија“ славеше со 6:0. Откако три дена беше на поштеда, еден ден полесно тренираше со топка, а вчера првпат работеше заедно со соиграчите. Заедно со Чави и Давид Силва беа клучни фудбалери во шпанскиот состав при освојување на европската круна пред две години во Австрија и Швајцарија.

Шпанците, сепак, не се без главоболки бидејќи најверојатно не ќе можат да сметаат на свој најдобар напаѓач, Фернандо Торес.

„Не верувам дека Фернандоќе може да игра во првиот меч иако се' уште не сакам целосно да го отпишам“, изјави селекторот Висенте дел Боске.