Бин Хамам: Блатер е диктатор
Доживотно суспендираниот член на Извршниот одбор на Светската фудбалска асоцијација (ФИФА), Мохамед бин Хамам, го обвини претседателот на светската куќа на фудбалот, Сеп Блатер, дека се однесува како диктатор.
Етичкиот комитет на ФИФА минатата недела го исфрли Бин Хамам поради мито и корупција. Тој делел пари на делегатите на Карипската фудбалска федерација за да го поддржат во трката за прв човек на ФИФА.
„Тоа се потези својствени за диктатор. Низ историјата сме гледале како диктаторите се пресметуваат со луѓето што може да ги заменат. Секогаш работеле така што фабрикуваат обвинувања и докази против ривалот, а потоа ги праќаа в затвор“, рече Бин Хамам за британската телевизија „Скај“.
Пред да му биде изречена суспензијата Бин Хамам се повлече од функцијата претседател на Азис��ата фудбалска конфедерација. Тој најави дека ќе се жали за казната и во Судот за спортска арбитража во Лозана бидејќи смета дека Блатер имал „скриени“ мотиви да го исфрли од организацијата. |
