Роси победник во Чешка, Стоунер падна
Валентино Роси од Италија победи во трката за Големата награда на Чешка во Мото ГП, во која светскиот шампион Кејси Стоунер падна во почетокот. Возачот на Дукати, Тони Елијас, го освои второто место со 15 секунди заостанување, а Италијанецот Лорис Капироси од Сузуки беше трет.
Стоунер, кој во саботата беше најбрз во квалификациите по врнежливо време, падна во еден свиок за време на третиот круг, оставајќи го Роси на чело.
Победата на Роси во Брно, прва за него таму по 2005 година, го удвои неговото водство во однос на Стоунер на 50 поени на врвот на табелата во вкупниот поредок. |
