Претходен број

Прва тужба за мобинг од работничка во Битола

БИТОЛА - Прва тужба за мобинг на работно место поднесе работничка во текстилна фабрика преку Регионалната канцеларија на ССМ во Битола. Поради психичка присилба на работно место, работничка го тужи својот газда до Основниот суд. Првото рочиште се очекува да биде во втората половина на септември.

„Прв случај на мобинг се става пред суд. Имаме писмени докази дека работодавецот шест месеци вршел континуиран притисок врз работничката“, потврди Љупчо Василевски, правен застапник на ССМ во Битола.

ССМ веќе поведе кампања за мобинг. „Синдикатот кон крајот на август ќе поднесе до парламентот предлог-закон за мобинг“, вели Живко Митревски, претседател на Регионалната синдикална канцеларија.

Синдикатот спроведува анкета за мобинг во приватниот сектор. Правната помош на ССМ за мобингот и за сите повреди на Законот за работни односи е бесплатна. (А.Б.)